Bu sahifa damar.agency saytiga kirganingizda va so‘rov qoldirganingizda qanday ma’lumotlar yig‘ilishi, ular nima uchun ishlatilishi va ular ustidan qanday huquqlaringiz borligini tushuntiradi. Ma’lumotlarni qayta ishlovchi — Damar agency (yakka tartibdagi tadbirkor), Toshkent, Shayxontohur tumani, Qoratosh 66A.
1. Qanday ma’lumotlarni yig‘amiz
- Siz o‘zingiz yozgan ma’lumotlar: ism, telefon raqami, kompaniya nomi, tanlagan xizmatingiz.
- So‘rov bilan birga avtomatik qo‘shiladigan ma’lumotlar: qaysi sahifadan yuborilgani, sayt tili, reklama belgilari (utm), IP-manzil.
- Saytdan foydalanish ma’lumotlari: qaysi sahifalarni ko‘rganingiz, qurilma va brauzer turi, taxminiy shahar. Ular cookie fayllari orqali yig‘iladi (6-bo‘lim).
Biz pasport ma’lumotlari, bank kartasi yoki parol so‘ramaymiz.
2. Nima uchun ishlatamiz
- So‘rovingizga javob berish va siz bilan bog‘lanish.
- Xizmatlar bo‘yicha taklif tayyorlash.
- Saytni yaxshilash: qaysi sahifa foydali, qayerda odamlar chiqib ketadi.
- Reklamamiz samaradorligini o‘lchash: qaysi reklamadan so‘rov kelgani.
Ma’lumotlaringizni sotmaymiz va boshqa kompaniyalarga reklama uchun bermaymiz.
3. Qayerga yuboriladi va kim ko‘radi
- So‘rovlar Damar agency jamoasining yopiq Telegram guruhiga tushadi. Ularni faqat so‘rovlar bilan ishlaydigan xodimlar ko‘radi.
- Google Analytics va Yandex Metrika — saytdan foydalanish statistikasi uchun. Yandex Metrika’ning Webvisor funksiyasi sahifadagi harakatlarni (scroll, bosish) anonim tarzda yozib oladi; formaga yozilgan ism va telefon bu yozuvda yashiriladi.
- Meta (Facebook, Instagram) — Meta Pixel va Conversions API orqali reklama natijasini o‘lchash uchun. So‘rov yuborilganda telefon raqamingiz shifrlangan (xeshlangan) ko‘rinishda Meta’ga yuboriladi; Meta uni ochiq holda ko‘rmaydi.
Bu xizmatlar ma’lumotlarni O‘zbekistondan tashqaridagi serverlarda saqlashi mumkin.
4. Qancha saqlaymiz
So‘rovlar hamkorlik muhokama qilinayotgan va hamkorlik davom etayotgan vaqtda, so‘ng 3 yilgacha saqlanadi. Sayt serveridagi texnik jurnallar 35 kundan keyin avtomatik o‘chadi. Analitika xizmatlarining saqlash muddati ularning o‘z sozlamalariga bog‘liq.
5. Sizning huquqlaringiz
O‘zbekiston Respublikasining “Shaxsga doir ma’lumotlar to‘g‘risida”gi qonuniga muvofiq siz:
- biz siz haqingizda qanday ma’lumot saqlayotganimizni bilishingiz;
- noto‘g‘ri ma’lumotni tuzattirishingiz;
- ma’lumotlaringizni o‘chirtirishingiz va roziligingizni qaytarib olishingiz mumkin.
Buning uchun Telegram’da @Dadaxon_bek ga yoki +998 33 799 09 77 raqamiga yozing.
6. Cookie fayllar
Sayt cookie fayllardan statistika va reklama o‘lchovi uchun foydalanadi. Ularni brauzer sozlamalarida o‘chirib qo‘yishingiz mumkin — sayt ishlashda davom etadi, faqat bizning statistikamiz kamroq aniq bo‘ladi.
7. O‘zgarishlar
Siyosat o‘zgarsa, shu sahifada yangi sana bilan e’lon qilamiz.