“Бизга СММ керакми ёки таргет?” — бу савол билан кўп мурожаат қилишади. Жавоб бизнесингиз ҳозир қайси босқичда эканига боғлиқ. Аввал иккаласининг вазифасини ажратиб оламиз.
СММ нима?
СММ — ижтимоий тармоқлардаги саҳифангизни тизимли юритиш. Бунга стратегия ва контент режа, постлар, сторис, Рилс, дизайн, фото ва видео, изоҳлар ва Директдаги саволларга жавоб киради.
СММнинг вазифаси — саҳифага кирган одамда ишонч уйғотиш: сиз кимсиз, нима қиласиз, нега сизга ишониш мумкин. Яхши юритилган саҳифа рекламадан келган одамни мижозга айлантиради.
Таргет реклама нима?
Таргет реклама — Инстаграм ва Фейсбукда пуллик реклама орқали таклифингизни аниқ танланган одамларга кўрсатиш: жойлашув, ёш, қизиқиш ва хатти-ҳаракат бўйича. Пул тўғридан-тўғри Метага тўланади, натижа эса мурожаат, ариза ёки сотув билан ўлчанади.
Таргетнинг вазифаси — саҳифангизни ҳали билмайдиган одамларни тез ва бошқариладиган тарзда олиб келиш.
Асосий фарқлар
- Вазифаси: СММ ишонч ва бренд қуради, таргет янги одам ва мурожаат олиб келади.
- Тезлиги: таргет реклама биринчи кундан кўришлар беради, СММ натижаси ойлар давомида тўпланади.
- Пул қаерга кетади: СММда — жамоанинг иши ва контент ишлаб чиқаришга, таргетда — жамоа иши ва Метага тўланадиган реклама буджетига.
- Тўхтатсангиз нима бўлади: реклама ўчирилса, оқим ҳам тўхтайди. СММ орқали йиғилган контент, обуначилар ва ишонч эса қолади.
СММ — дўконингизнинг витринаси ва сотувчиси. Таргет — кўчадан одам олиб келадиган эълон. Бири иккинчисисиз ярим ишлайди.
Қачон фақат таргет етади?
Таклифингиз оддий ва тушунарли бўлса, саҳифангиз аллақачон тартибда бўлса ва сизга тез мурожаат керак бўлса — масалан, акция, янги филиал очилиши ёки мавсумий маҳсулот. Бундай ҳолатда яхши тайёрланган бир нечта креатив ва тўғри созланган реклама етарли бўлиши мумкин.
Текширинг: профилингизни биринчи марта кўраётган одам кўзи билан очинг. Нима қилишингиз, нарх ҳақида қандай сўраш мумкинлиги ва ишларингиз кўриняптими? Ҳа бўлса — таргет билан бошлаш мумкин.
Қачон аввал СММ керак?
Саҳифа бўш ёки тартибсиз бўлса, охирги пост бир неча ой олдин чиққан бўлса, маҳсулот қиммат ёки қарор узоқ қабул қилинадиган бўлса — масалан, кўчмас мулк, таъмирлаш, B2B хизматлар. Бундай соҳада одам сотиб олишдан олдин саҳифани узоқ ўрганади. Рекламани бўш саҳифага йўналтирсангиз, пул кўришларга кетади, мурожаатга эмас.
Текширинг: рекламадан босишлар бор, лекин Директ жим бўлса — муаммо кўпинча рекламада эмас, саҳифада. Бу ҳақда батафсил: рекламадан мижоз келмаслигининг 7 сабаби.
Нега энг яхши натижа иккаласи бирга ишлаганда бўлади?
Таргет одам олиб келади, СММ уни ушлаб қолади ва ишонтиради. Бундан ташқари, СММ учун тайёрланган контент — Рилс, видеолар, мижоз фикрлари — реклама учун энг яхши креативга айланади. Реклама эса яхши контентни кўпроқ одамга етказади.
Шунинг учун бизнинг СММ хизматимиз ичида таргет рекламани созлаш ва юритиш ҳам бор. Агар саҳифангиз тартибда бўлса ва фақат реклама керак бўлса, таргет рекламани алоҳида олиш мумкин.
Қисқа хулоса
- Тез мурожаат керак ва саҳифа тайёр — таргет билан бошланг.
- Саҳифа бўш ёки маҳсулот қиммат — аввал СММ, кейин таргет.
- Барқарор ўсиш керак — иккаласи битта режа асосида.
Қайси бири сизга мос эканини биринчи бепул консультацияда саҳифангиз ва ҳозирги рекламангизга қараб бирга аниқлаймиз.